丹麥 Audiovector R6 Arreté 座地喇叭
**丹麥 Audiovector R6 Arreté 座地喇叭**
這次見到這對 Audiovector R6 Arreté 座地喇叭，未試聽之前，我都有幾個問題：
1. 見到前面得幾個單元，到底夠唔夠低音？
2. 用到氣動式高音，D 聲會唔會好易好搶、好利？
3. 喇叭後面有一個接地位，效果大唔大？
這次試聽這個牌子 Audiovector，雖然去德國慕尼黑音展都有見過，覺得它的做工都不錯，對它的印象都不錯，不過一直都無機會試聽，這次終於可以在自己主場試聽，發覺真是好有驚喜，如果大家都想了解多 D，就要繼續看下去。
Audiovector 是一間來自丹麥專門設計同製造高級喇叭的公司，原來在 1979 年已經成立，而家已經交到第二代管理，第二代接手之後，唔單止保留公司傳統，好似著重喇叭的線性動態、線性相位同低壓縮等，更加引入先進技術，令到聲音進一步提升，另外更關注市場推廣方面，所以漸漸受發燒友認識。
我這次試聽這對 R6 Arreté 座地喇叭，屬於廠方的高級系列。先解答一開始第一條問題，到底夠唔夠低音？
起初見到對喇叭前面得三個單元，真是有 D 擔心，點知開聲一聽，真是估唔到唔單止有低音，而且係靚低音，潛得夠深之餘，線條感都好好。前面得呢兩個單元真是無可能，搞到我要即刻研究下這對喇叭，原來喇叭內面收埋左兩個低音單元，一隻 8 吋低音單元向住喇叭底部發聲，而這隻喇叭背後仲有一隻 6 吋半低音單元，做成一個 Isobaric 的設計，唔怪得 D 低音量感咁足，睇返個 spec 低音伸延可以落到 23Hz，仲有通常 Isobaric 的設計比較難推，但係這對喇叭靈敏度有 91.5dB，平均阻抗係 8 ohms，同埋實際試過真是唔難推。
除左呢兩隻低音單元，原來喇叭後面仲收埋左一隻 3 吋紙振膜中音單元，廠方經過精心調配這個單元的音量，令到有更加好的音場深度同空間感。至於前面高音單元大家一定熟悉，就像 AMT 氣動式高音，不過這個單元像 Audiovector 自行設計，用左鈦磁驅動，提升驅動力，而發聲振膜加上聚酯塗層，提升硬度，而單元背後係開放式，對音場擴散都好有幫助，而單元唔係直接裝係聲箱上面，係另外裝係金屬片上，來減少聲箱對單元做成的音樂。
高音下面兩個 6.5 吋中低音單元，單元振膜用左比較特別的芳纖纖維複合碳纖維，有好高的耐熱同高剛性，而單元用左鈦線圈，令到質量更輕，自然反應速度更加快。而單元框架更加用左堅固的鎂合金，唔知大家以前上化學堂，有無做過鎂的實驗，如果有做過，應該知道鎂係一種好易著火的金屬，所以鎂合金壓鑄成單元框架係有一定難度，相對又係比較高成本，不過鎂合金有足夠硬度之餘，又夠輕，對於單元係大音壓之下保持穩定性都好有幫助。
除左單元之外，這對 R6 的聲箱都好講究，一般喇叭聲箱都係用到 MDF，而 Audiovector 就用到更高密度的 HDF 物料來造聲箱，之後再將成個聲箱放到真空加壓槽處理，令到聲箱木材分子排列得更加緊密，更加產生同一方向的納米細窿，將聲箱內面的氣壓有效排出，令到成個聲箱更加堅固、更加實淨，進一步減少聲箱的音樂，這 D 咁先進的做法，又係一種見唔到的成本！而聲箱做到一個水滴形，除左睇落去更加靚之外，對聲音都有好大幫助，令到聲音更加有離箱感。
這次試這對係鋼琴光面白色，當然仲有其他顏色，大家可以睇返下面說明欄連結，而這次這款白色燭漆真是同汽車燭漆一樣級數，成個表面都好平滑，好似鏡一樣，仲有 D 夾口位都做得好緊密，連收實單元 D 螺絲都好靚，這 D 手工絕對係北歐的精品級！
至於分音器就直接裝左係喇叭接線柱後面，同埋內面的零件都經過 -238 度冷凍處理，來釋放內部應力同降低電阻，提升聲音傳真度。喇叭接線係 Bi-wire 設計，可以接蕉同叉，而最特別的地方，仲有一個「Ground」的接位，連接喇叭單元的框架，帶走微弱雜散的電流，可以提升聲音清晰度。要連接這個接地，可以選購原廠接地線，接地線除左接喇叭，另一邊就可以直插牆蘇，值住牆蘇的地位帶走雜訊，不過我試過，如果大家有電源處理器，將這個插到電源處理器，比插一般牆蘇效果更加好，大家有機會不妨可以試試，同埋這條原廠地線，無試過就無野，不過試過之後就返唔到轉頭，唔用唔得。
這對喇叭每邊有 6 個單元，仲要裝係唔同位置，但係出黎的聲都好溶合，唔會有各有各唱的感覺，同埋營造出黎的音場感都好好，當聽大型交響曲成個樂隊可以扇形排開，而且又深又闊，加上對喇叭水滴型的設計，增強聲音離箱感，一對喇叭係面前隱形，只聽到一個宏大的音樂畫面。至於這個 AMT 高音完全無叫、無刺耳，整體平衡度好好，除非喇叭擺位有問題。
我覺得這對喇叭，其中一樣出色的地方，就像人聲結象，人聲位置又夠高又夠 sharp（聚焦），好似一個人企係面前唱歌的感覺，而且 3D 立體聲都非常之強，另外，伴奏樂器定位感清楚，係人聲後面散開，營造出一個清晰的音樂畫面，我覺得有這方面既表現，同喇叭背後的中音單元都有關係。同埋我第二次提到音樂畫面，因為真是好有畫面感。
這對喇叭低音方面表現都好好，低音量感足，而且向下延伸都好好，特別個 D 墊底低音，雖然唔係好大聲，但係播得好清晰，果種一浸一浸的感覺好強，好似有一浸氣包住，營造出好好的音樂氣氛。同埋大家真是唔好睇小這對喇叭外形，就算大音量播放，可以話面不改容，D 聲又夠定，動態對比又夠大，激情同澎湃一面都播到出黎，亦都有足夠靈活度，音樂中的細微變化，但都可以快速反映出來。
這次試聽完這對 Audiovector R6 Arreté 座地喇叭，我都來一個總結，如果您喜歡細節、立體感、清晰度同規模感，仲想聽帶有文化氣色的音樂味，你就一定要帶你平時喜歡的音樂去試聽，記得唔使帶發燒碟，因為這對喇叭唔使靠發燒碟來幫手都已經好好聽。
至於有什麼不好處，我覺得它的不好處和好處都是同一樣，就是不大對，因為有人覺得睇得這個價，一定要咁大對就最好，當然亦會有人覺得，要有咁宏大的聲音表現，但又夠細對，所以容易入屋，這個就係它的好處，咁你覺得這個係好處定唔好處，都可以係下面留言欄同大家分享。
—
預約試聽及查詢：
Aria Audio Ltd. 雅詠音響
電話：2324 9968
Whatsapp：9380 2928
Audiovector R6 Arreté 價錢及詳情：
