【器材試聽】比較三款頂級耳筒
中毒太深
見到靚女Alis一次過講三款旗艦級耳筒，搞到我心癢癢，最後忍唔住殺上ECT荔枝角總壇，雖然見唔到靚女，不過三個耳筒就等緊我。
呢三個頂級耳筒分別係我細細個就認識嘅STAX，佢地最新推出嘅 SR-X9000靜電耳筒，另一款係Audeze用全新技術製造嘅靜電耳筒 CRBN，最後一款係之前都有出片同大家分享嘅Audeze LCD-5平面震膜耳筒。
今次我用了半個下午坐定定嚟試呢三款耳筒，真係夠晒爽！
因為SR-X9000同CRBN同樣係靜電耳筒，所以要用STAX SRM-T8000專用耳筒放大器，兩個耳筒用同一個耳擴，更加聽出之間分別。首先我覺得CRBN空間感比較強，低頻都好有力感，不過完全唔誇張，人聲有種監聽味道，很有真實的感覺，整體係清爽、高速，聲音好直接。SR-X9000又有一種完全不同的感覺，人聲相對貼近，音樂更暖和、埋身，音色相當優美，人聲的唇齒聲聽得好清楚，中頻相對顯現，還有弦樂也相當順滑，鼓聲是比較深沉，帶出很好嘅刺激感。LCD-5 低頻衝擊力最勁，不過又唔埋身，可能因為配搭Auris Audio Nirvana膽耳擴，所以相比兩款音色更加暖和、濃厚，而空間感跟以上兩款相比是排行中間，兩極伸延也出色。
三款耳筒係我耳窩內面一輪埋身肉搏，真係相當刺激和好玩，其實三款音質都相當之好，任何一款都係頂級嘅聲音，傳真度高，分析力強，解像度高，而最大分別是之間的音色取向有點不同，這個真係要睇個人口味。如果喜歡溫暖一點音色，LCD-5同SR-X9000也適合，喜歡聽弦樂SR-X9000相當優異，而LCD-5的低頻衝擊力又相當之強，如果喜歡人聲迫身一點就用SR-X9000，要多點空間感和距離感，就選LCD-5。你地可能睇到呢度，覺得點解我無講CRBN，因為我比較偏愛CRBN，就留到最後先講，因為我一向喜歡音色唔重嘅器材，而CRBN正正就有呢種取向，有啲監聽耳筒嘅感覺，仲有我最喜歡就係聽大爆棚音樂時，無論開到幾大聲，啲聲總唔會壓埋嚟嘅感覺，當然好多發燒友覺得咁樣就唔夠刺激，我都承認，不過偏偏我就鍾意呢種取向，每件樂器都清清楚楚排在面前，真的有點像聽兩聲道的感覺。
一次過可以同時試聽三個頂級耳筒實在太好玩，如果大家也想試試，就上ECT荔枝角總壇玩玩！
