發燒友要留心！ Sketches Of Seasons Piano: Atzko Kohashi Percussion: Eddy Koopman Rhapsody Audiophile Recordings（RAR） SACD No.: RAR007 今日聽呢張SACD俾佢嚇一跳，不過就啱晒發燒友口味！呢張係嚟自Rhapsody Audiophile Recordings（RAR）嘅錄音。 音樂內容係鋼琴加敲擊樂，係即興式演奏，表達出演奏家對四季嘅感覺。我起初見到講四季都不以為意，只係隨便放落Soulnote S3 SACD機度播，開始時聽到比較細聲，所以將部Kondo G-70i前級扭大聲啲，之後都無留心聽，去咗做其他嘢，點知失驚無神先嚟好大聲嘅敲擊樂響聲，雖然部Kondo Melius後級只有32瓦，不過都足夠嚇親，估唔到動態會咁大。之後，我反而無收細聲，今次坐定定聽，仲再開大聲少少，發覺愈大聲愈過癮，除咗突如其來的聲響，仲有一浸一浸嘅低音，不過真係幾考後級同喇叭質素，今次用一對Lorenzo LM5書架喇叭播，一樣可以爆到七彩。不過大家唔好聽我咁講，就播呢張SACD，隨便開大聲，因為後級控制力差少少，有機會燒喇叭，到時唔好話我叫你開大聲。 之後，睇吓SACD內面嘅資料，先知道靚聲係有道理，原來錄音用咗Audioquest電源處理器，仲有Schnerzinger發燒線材同ground ...