Simaudio Moon 600i v2 合併機
呢部600i v2合併機有一組平衡輸入同3組RCA輸入，呢個當然對我朋友最重要，因為話明要平衡輸入，而每聲道有125 W（8Ω）輸出功率，而4Ω輸出就可以倍增到250 W，證明這部機的電源供應裕量充足。打開機殼見到內面的火牛就知果然強勁，每聲道各有一個大型環牛，直徑好似一張CD碟，望落去係雙單聲道設計，從電源牛開始分開左右聲道，可以減低兩個聲道互相干擾機會，再看看部機D資料，原來部機頭5瓦是A類放大，咁樣設計可以提升合併機效率之餘，亦能提供更有音樂感和溫暖的音色，仲有係無整體負回輸“no overall feedback”設計，咁樣做可以提升聲音準確度和速度感，音樂感自然都可以提升。
